Լուրեր

Մեսրոպ Մաշտոցի անվան Մատենադարանի երկարամյա փոխտնօրեն, պատմական գիտությունների դոկտոր լուսահոգի Վարդան Գրիգորյանի որդին՝ Արամ Գրիգորյանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին է նվիրել իր հայրիկի անձնական գրադարանից մի շարք արժեքավոր գրքեր:

Լիբանանի «Հաճնո» հայրենակցական միության ատենապետ տիար Փոլ Եակուբեանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին նվիրել է Ալիս Քիփ Քլարկի «Նամակներ ԿիլիկայԷն (օրագրություն)» գրքերը:

Մայր Աթոռի Մատենադարանի տնօրենությունը շնորհակալություն է հայտնում հարգարժան նվիրատուին:

Պոլսահայ գրող, թարգմանիչ, խմբագիր Արամ Գամպուրեանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին նվիրել է արժեքավոր օտարալեզու գրքեր:

Մայր Աթոռի Մատենադարանի տնօրենությունը շնորհակալություն է հայտնում հարգարժան նվիրատուին:

Մայր Աթոռ Սուրբ Էջմիածնի միաբան Գերաշնորհ Տ. Վիգեն արքեպիսկոպոս Այքազյանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին է նվիրել իր մի շարք արժեքավոր օտարալեզու գրքեր:

Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում ամփոփված է հայ տպագիր ժառանգության մի ընդգրկուն մասը, որի մեջ առանձնանում է մամուլի հավաքածուն։ Ներկայումս ավարտվել են առկա պարբերականների դասակարգման, մշակման, ինչպես նաև էլէկտրոնային գրացուցակում արտացոլելու աշխատանքները։ Նշենք, որ ամբողջ գործընթացն իրականացվել է փուլերով։ Արդյունքում ունենք հետևյալ պատկերը։

Մայր Աթոռի Մատենադարանում առկա է և էլեկտրոնային գրացուցակում գրանցվել է 974 անուն պարբերական, որից՝

Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում արդեն հասանելի է Մելքիսեդեկ եպս. Մուրադյանցի «Հովվական աստվածաբանություն» գրքի նոր հրատարակությունը:

Գիրքն առաջին անգամ տպագրվել է Կ. Պոլսի Պերպերյան տպարանում 1892 թ., վերահրատարակվել է 2022 թ.:

Կարևոր այս ձեռնարկը արևմտահայերենից արևելահայերեն է փոխադրել Տ. Հովել քհն. Օհանյանը:

Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի հավաքածուն հարստացավ համաշխարհային գրականության մի շարք արժեքավոր թարգմանություններով:

Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանը համալրվեց երեք արժեքավոր հրատարակությամբ․

Զարյան Արա, Լամուրե Քրիստին։ Դադիի վանք։ 1214 թվականին կառուցված Կաթողիկե եկեղեցու 1297 թվականի որմնանկարների պահպանական վերականգնում /Մուտքի խոսք՝ Անտոնիա Արսլան․- Երևան: Տիգրան Մեծ, 2021.- 484 էջ։

Լամուրե Քրիստին, Զարյան Արա։ 976-991 թթ. կառուցված Սբ․ Նշան եկեղեցու Ժ․, ԺԲ․-ԺԳ․ դարերի որմնանկարների պահպանական վերականգնումը /Նախաբան և հայերենի խմբագիր՝ Սեյրանուշ Մանուկյան.- Երևան: Տիգրան Մեծ, 2020.- 394 էջ։

Մայր աթոռ Սուրբ Էջմիածնի «Վաչե և Թամար Մանուկյան» Մատենադարանը համալրվեց մի շարք արժեքավոր հրատարակություններով՝ Զավեն Գ․ Գրիգորյանի «Ողբերգ Լիբանանի դժոխային պատերազմի» ընդարձակ չափածո ընդարձակ ստեղծագործությամբ, Ստեփանոս Սյունեցու «Մեկնութիւն չորից Աւետարանչաց» գրքով եւ Տ․ Մեսրոպ արք․ Գրիգորյանին նվիված երկու գրքույկներով։ Առաջին երկու գրքերը տպագրվել են Աթենքում, իսկ վերջին երկուսը՝ Վիեննայում և Չիկագոյում։

Մայր Աթոռ Ս․ Էջմիածնի «Վաչե և Թամար Մանուկյան» Մատենադարանում արդեն հասանելի է Ալիս Հովհաննիսյանի «Րաֆֆու ոտնահետքերով» գրքի անգլերեն թարգմանությունը։

Գրքում ներառված են Րաֆֆու կյանքին ու ստեղծագործությանը նվիրված էսսեները, որոնց միջոցով հեղինակը փորձում է 19-րդ դարի վիպասանին ներկայացնել նոր ժամանակների հայացքով։ Նշենք նաև, որ այդ էսսեները նախապես լույս էին տեսել մամուլում։

Գրքի հայերեն տարբերակը լույս էր տեսել 2017 թ․ Երևանում, «Տիգրան Մեծ» հրատարակչությունում։ Այն ջերմ ընդունելություն էր գտել հայակենտրոն բոլոր մշակութային օջախներում, հասարակական, գրական տարբեր շրջանակներում։

Մեծի Տանն Կիլիկիո Կաթողիկոսության միաբան Գերաշնորհ Տ. Վարուժան արք. Հերկելյանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին է նվիրել իր խմբագրությամբ հրատարակված Մխիթար Գոշի «Առակներ» գիրքը: