Ս. ԿՈՒՅՍ ՄԱՐԻԱՄԻ ԾՆՈՒՆԴԸ
Աստվածածնի ծնողները` Հովակիմը և Աննան, մինչև ծերություն զավակ չունեին և միշտ աղոթում ու խնդրում էին Աստծուն, որ իրենց զավակ պարգևի: Նրանց աղաչանքները լսելի են դառնում, և Աստված պարգևում է մի դուստր, ում կոչում են Մարիամ:
Աստվածածնի ծննդյան տոնը հաստատվել է 5-րդ դարի վերջին և 6-րդ դարի սկզբին Երուսաղեմում: Այդ տոնակատարությունը կապված էր այնտեղ` Պրոբատիկեում գտնվող Ս. Աստվածածնի տաճարի հետ:
Հայ Եկեղեցում Ս. Կույս Աստվածածնի ծննդյան տոնը հաստատուն կերպով սկսել է տոնվել 13-րդ դարից:
