ՍԵԲԱՍՏԻԱՅՈՒՄ ՆԱՀԱՏԱԿՎԱԾ 40 ՎԿԱՆԵՐ
Սեբաստիայի 40 մանուկները կամ 40 վկաները († ~320) եղել են Փոքր Հայքի Սեբաստիա քաղաքից: Քրիստոնյա լինելու համար ձերբակալվել ու ենթարկվել են չարչարանքների: Ձմռանը նրանց մերկացնում ու նետում են Սեբաստիայի մոտ գտնվող լիճը: Գիշերը ջուրն սկսում է սառչել, որի հետևանքով ճաքճքում են նրանց մարմինները: Դատավորը լճի մոտ կառուցել է տալիս մի բաղնիք, որպեսզի երիտասարդ քրիստոնյաները գայթակղվելով ստիպված լինեն մտնել այնտեղ՝ ուրանալով հավատը:
Նրանցից մեկը, սակայն, փախչում է և հրաժարվում իր հավատքից, որի տեղը զբաղեցնում է պահապան զինվորներից մեկը` կամավոր գնալով նահատակության: Աստված հրաշքով 40 մանուկներին փրկում է սառնամանիքից, սակայն նրանք նահատակվում են հաջորդ օրը:
Օրվա խորհուրդը «Շողակաթ» հեռուստաընկերությամբ մեկնում է Մկրտիչ աբեղա Կարապետյանը:
