Թեմատիկ ցուցադրություն

Անկախությունից դեպի անկախություն

  • 14 May 2018
  • Մայիսյան հերոսամարտերի և Հայաստանի Առաջին Հանրապետության հռչակման 100-ամյակի տոնակատարությունների շրջանակում Մայր Աթոռ Ս. Էջմիածնի «Վաչե և Թամար Մանուկյան» Մատենադարանում բացվել է թեմատիկ գրքերի ցուցադրություն՝ «Անկախությունից դեպի անկախություն» խորագրով:

    Հանրության ուշադրությանն են ներկայացվում 1918-1920 թթ. Ս. Էջմիածնում /Վաղարշապատում/ տպագրված գրքերը եւ նշյալ թվականներին վերաբերող ուսումնասիրություններն ու արխիվային ժողովածուները:

    Ցուցադրությունն առավել ամբողջական դարձնելու նպատակով Ս. Էջմիածնի Մատենադարանը համագործակցում է Սուրբ Մեսրոպ Մաշտոցի անվան Մատենադարանի, Հայաստանի ազգային գրադարանի, Հայաստանի պատմության թանգարանի, Եղիշե Չարենցի անվան գրականության և արվեստի թանգարանի և Երեւանի պետական համալսարանի գրադարանի հետ:

    Ցուցադրությունը  բաց է 2018 թ. մայիս ամսից մինչև սեպտեմբեր, երկուշաբթիից ուրբաթ, ժամը՝ 10:00-17:00: Մուտքն ազատ է:

    Ցուցադրությանը կարող եք ծանոթանալ նաև Ս. Էջմիածնի Մատենադարանի պաշտոնական կայքում՝ http://etchmiadzinlibrary.am/hy:

     

    shape
    book-shape