ՂՈՒՆԿԻԱՆՈՍ ՀԱՐՅՈՒՐԱՊԵՏ, Ս. ՀՈՎՍԵՓ ԱՍՏՎԱԾԱՀԱՅՐ, Ս. ՀՈՎՍԵՓ ԱՐԵՄԱԹԱՑԻ, ՔՐԻՍՏՈՍԻ ԲԱՐԵԿԱՄ ՂԱԶԱՐՈՍ ԵՎ ՆՐԱ ՔՈՒՅՐԵՐԸ` ՄԱՐԹԱ ԵՎ ՄԱՐԻԱՄ
Ղունկիանոս հարյուրապետը հռոմեացի զինվոր էր, ծնունդով Կապադովկիայից: Քրիստոսի խաչելության ժամանակ հավատում է Նրան: Տեսնելով Տիրոջ հարությունը` հրաժարվում է սուտ վկայություն տալուց, իբր Քրիստոսի մարմինը գողացվել է Իր աշակերտների կողմից: Մկրտվելուց հետո Պի ղատոսի հրամանով գլխատվում է:
Հովսեփ Աստվածահայրը սերում է Դավիթ արքայի տոհմից: Ամուսնացած էր Սոլոմինեի հետ, ուներ 4 որդի և 2 դուստր: Այրիանալով ապրում էր պահեցողությամբ, սակայն Տիրոջ հրահանգով 80 տարեկանում նշանվու է Ս. կույս Մա րիամի հետ: Մահանում է 110 տարեկանում` չտեսնելով Տիրոջ Հարությունը:
Հովսեփ Արեմաթացին Տիրոջ մարմինը, Խաչից իջեց նելով, դնում է գերեզման` մուտքը քարով ծածկելով:
Ղազարոսը և նրա երկու քույրերը` Մարթան և Մարիամը, ապրել են Տիրոջ երկրային կյանքի օրոք Երուսաղեմից ոչ հեռու: Քրիստոս հաճախ այցելում էր նրանց: Տերը հարություն է տալիս Ղազարոսին, որի մասին իմանալով` հրեաները ցանկանում են սպանել Ղազարոսին, բայց վերջինս հեռանում է Կիպրոս, ձեռնադրվում եպիսկոպոս և մահանում Տիրոջ Հարությունից 30 տարի հետո:
