Լուրեր

Ուրախ ենք տեղեկացնելու մեր ընթերցողներին, որ տիար Արամ Սոխակյանը Մայր Աթոռ Սուրբ Էջմիածնի Մատենադարանին է նվիրել հայ և օտար աղբյուրագիտական և մատենագրական արժեքավոր գրականություն (251 միավոր):

Այսօր էլ հասարակության մեջ քիչ չեն այն մարդիկ, ովքեր մեղվի նման ջանադիր՝ հավաքում, գտնում, կուտակում են գիրք գրքի կողքին, շարում՝ զինվորների պես, գծագրում, շինում հայագիտական և մասնագիտական ընտիր հրատարակությունների գրադարան-բանակ:

Հավաքածուի գրքերը համապատասխան գրադարանային մշակումներից հետո, սեղմ ժամկետներում հասանելի կլինեն Մայր Աթոռ Սուրբ Էջմիածնի Մատենադարանի ընթերցողներին:

Նվիրաբերված գրականության ցանկը կարող եք ներբեռնել։

Օրհնությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Մայր Աթոռ Սուրբ Էջմիածնի Հրատարակչական բաժինն ընթերցողի ուշադրությանն է ներկայացնում «Վավերագրեր Հայ Եկեղեցու պատմության» մատենաշարի հերթական հատորը (Կոմիտաս վարդապետ Սողոմոնյան (1869-1935), գիրք ԻԱ․, փաստաթղթերի ժողովածու, կազմող՝ Գոհար Աւագեան, խմբ.՝ Տ. Ասողիկ աբղ. Կարապետյան, Ամատունի Վիրաբեան)։

Սույն հատորը նվիրված է Կոմիտաս Վարդապետի ծննդյան 150-ամյակին և վախճանման 85-րդ տարելիցին: Մատենաշարի ներկա հատորը կազմված է 192 փաստաթղթերից, որոնցից 180-ը պահպանվում են Հայաստանի ազգային արխիվում: Ժողովածուում ընդգրկված 12 փաստաթուղթ պահպանվում է Կահիրեի ազգային առաջնորդարանի արխիում: Ժողովածուում ընդգրկված են ինչպես Կոﬕտաս Վարդապետի ուսման և գործունեության տարբեր ոլորտներին վերաբերող, այնպես էլ՝ նրա վախճանից հետո ստեղծված փաստաթղթեր: Փաստաթղթերի ճնշող մեծամասնությունը հրատարակվում են առաջին անգամ, բնագրի լեզվով՝ ուղղագրական շտկուﬓերով: Հատորն օժտված է անձնանունների և տեղանունների օժանդակ ցանկերով:

ՀՀ կրթության, գիտության, մշակույթի և սպորտի նախարարությունը Գաֆէսճեան արվեստի կենտրոնի հետ համատեղ կազմակերպել է Գրքի տոնավաճառ՝ ի նպաստ հայոց բանակի։ Տոնավաճառը տեղի է ունեցել հոկտեմբերի 31-ին Գաֆէսճեան արվեստի կենտրոնի պուրակում։

Էջմիածնում, Մայր Աթոռի հովանու ներքո գործող «Էօրնեկեան» դպրոցի նախասրահը արտադրամասի է վերածվել: Ուսուցիչները, ծնողներն ու կամավորները պատրաստում են քողարկող ռազմական ցանցեր: Դպրոցի տնօրեն Սուսաննա Վարդանյանը նշում է, որ համացանցից իմացել է Դավիթ անունով մի երիտասարդի մասին, ով նման գործողություններ է իրականացնում մի շարք հաստատություններում։ Նա սկզբում կամավոր է միացել Դավիթի խմբին, ապա որոշել «Էօռնեկյան» դպրոցի նախասրահը արտադրամասի  վերածել։ Առաջին իսկ հայտարարությունից հետո բազմաթիվ կամավորներ են միացել նրանց։ Կամավորներն աշխատում են հերթափոխով։ Բոլորն օգնում են ինչով որ կարողանում են։ Նրանց է միացել նաև Սուրբ Էջմիածնի Մատենադարանի աշխատակցուհիները։

Մայր Աթոռ Սուրբ Էջմիածնի «Վաչե եւ Թամար Մանուկյան» մատենադարանի եւ հրատարակչության մասի տնօրեն Արժանապատիվ Տեր Արարատ քահանա Պողոսյանի գնահատմամբ՝ այսօր միանգամայն արդիական է հիշել պատերազմների տեսության մասնագետ Մ. Վոլզերին, ում կարծիքով՝ հարձակումն այն միակ հանցագործությունն է, որը պետությունը կարող է կատարել մեկ այլ պետության դեմ: Ըստ հոգեւորականի, դեռ հին ժամանակներից մարդկային հասարակության սոցիալ-տնտեսական եւ քաղաքական առաջընթացին զուգահեռաբար զարգացել է նաեւ ռազմական ոլորտը:

Ինչպես ասում են` արյունը միավորում է բոլորիս։

Այսօր Մայր Աթոռ Ս. Էջմիածնի «Վաչե եւ Թամար Մանուկյան» Մատենադարանի աշխատակիցներն արյուն հանձնելու նպատակով այցելեցին Յոլյանի անվան արյունաբանական կենտրոն։

Արյուն հանձնելը վիրավոր զինվորներին ինչ որ կերպ օգտակար լինելու գործողություն չէ լոկ։ Այսպես իրոք միավորվում ենք ամենքս եւ ոչ միայն արյամբ, այլև` գաղափարով, սկզբունքով եւ առ Հայրենին ունեցած անվերադարձնելի պարտքի բարձրագույն գիտակցությամբ։

Հայկ Դավթյանի «Հայ գիրքը 1801-1850 թվականներին» գրքում 505 թվի ներքո (էջ 129) նշված է հետևյալ գրքույկը․

Յովհաննէս Սեբաստացի «Ներբողական նուագերգութիւնք». - Տփխիս : տպ. «Դպրոցի Հայոց ընծայեցելոյ», 1825. - 21 էջ.

Որպես պահպանման վայր, նշված է՝ Մայր Աթոռ Ս. Էջմիածնի Գևորգյան հոգևոր ճեմարանի գրադարանը։ Գրքույկը երկար ժամանակ տեխնիկական պատճառներով անհասանելի էր։

Ութ տարի առաջ այս օրը Մայր Աթոռ Սուրբ Էջմիածնում տեղի ունեցավ Մատենադարանի պաշտոնական բացման արարողությունը։

Ի գնահատություն եկեղեցասեր և հայրենանվեր բարերարներ՝ լոնդոնաբնակ Տեր և տիկին Մանուկյանների, այն կոչվեց «Վաչե և Թամար Մանուկյան» 

Գրադարանի օրվա կապակցությամբ «Վաչե և Թամար Մանուկյան» Մատենադարանի անձնակազմը շնորհավորում է Հայրենիքում, Արցախում եւ Սփյուռքում գործող մեր հարգարժան գործընկերներին։ Մեր ժողովրդի համար կարևոր ու բախտորոշ այս պահին աղոթելով հայրենի սահմանների անառիկության ու հայ զինվորի ու զորականի բազկի զորության համար, միաժամանակ փաստում ենք, որ այսօր շատ կարևոր է ամուր թիկունք ունենալը... 

Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի և Հրատարակչության աշխատակիցները՝ տնօրեն արժանապատիվ Տեր Արարատ քահանա Պողոսյանի ուղեկցությամբ, այցելեցին Մայր Աթոռի թանգարաններ:Այցելությունը հետաքրքիր էր և բովանդակալից։ Թանգարանային շրջայցի ընթացքում աշխատակիցները եղան Վեհարանի «Ոսկեդարան» ցուցասրահում, «Ալեք և Մարի Մանուկյան» գանձատանը, ինչպես նաև Ռուբեն Սևակի անվան թանգարանում:

Մայր Աթոռ Սուրբ Էջմիածնի հրատարակչությունը լույս է ընծայել «Համաբարբառ Կանոնագիրք Հայոց» աշխատությունը, որը Կանոնագիրք Հայոց ժողովածուի Ա և Բ հատորներում առկա բոլոր կանոնների թեմատիկ դասակարգված ներկայացումն է։ Ֆրանսերեն զուգադիր թարգմանությամբ և համապատասխան տիտղոսներով ու ենթավերնագրերով տրված են Ե-ԺԱ դարերում ﬕջնադարյան Հայաստանում ստեղծված բոլոր այն կանոնները, որոնք ներառվել են «Կանոնագիրք Հայոց»-ում։ Համաբարբառը նախատեսված է Հայոց Եկեղեցու կանոնական իրավունքի, աստվածաբանության, հայ ﬕջնադարյան իրավունքի ոլորտների մասնագետների, ինչպես նաև Հայ եկեղեցական իրավունքով հետաքրքրվողների լայն շրջանակի համար։

Գարեգին Բ Ամենայն Հայոց Կաթողիկոսն այսօր ընդունել է Հայաստանի ազգային գրադարանի տնօրեն Աննա Չուլյանին: Հայոց Հայրապետն օրհնության և շնորհավորանքի խոսքերով ողջունելով գրադարանի նորընտիր տնօրենին՝ ընդգծել է, որ Մայր Աթոռը մշտապես սերտ համագործակցություն է ունեցել գրադարանի հետ, համատեղ իրականացվել են բազմաթիվ ծրագրեր եւ հույս հայտնել, որ այդ ավանդույթները շարունակական կլինեն տիկին Չուլյանի պաշտոնավարման ընթացքում: