shape

Լուրեր

արժեքավոր նվիրատվություն
արժեքավոր նվիրատվություն
  • 12 10 2023
  • Գերաշնորհ Տ. Վիգեն արք. Այքազյանը Մայր Աթոռ Սուրբ Էջմիածնի Մատենադարանին է նվիրել կրոնագիտական, փիլիսոփայական, աղբյուրագիտական և պատմական արժեքավոր գրականություն, որոնց մատենագիտական տվյալների թղթային և առցանց պատշաճ մշակումից հետո հասանելի կլինեն ընթերցողներին:

    Գերաշնորհ Սրբազան Հայրը սիրահոժար շարունակելու է իր անձնական գրադարանի հավաքածուն մաս-մաս նվիրաբերել Ս. Էջմիածնի Մատենադարանին, որի համար Ս. Էջմիածնի Մատենադարանի տնօրենությունը շնորհակալություն է հայտնում Սրբազան Հորը:

    Նվիրաբերված գրականության ցանկը:

    Ուրուգվայի «Արագած» ամսագիրը
    Ուրուգվայի «Արագած» ամսագիրը
  • 01 11 2022
  • Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի մամուլի հավաքածուում առանձնանում է Ուրուգվայում տպագրված «Արագած» ամսագիրը, որը փաստացի բացակայում է հայաստանյան գրադարններում։ Ամսագրի մասին տեղեկությունները պահպանվել են հայ մամուլի մատենագիտական ցանկերում, որոնց հիման վրա էլ կատարվել է մատենագիտական նկարագրությունը։

    Մի պարբերականի հետքերով․․․
    Մի պարբերականի հետքերով․․․
  • 31 10 2022
  • Մայր Աթոռ Սուրբ Էջմիածնի «Վաչե և Թամար Մանուկյան» մատենադարանի մամուլի հավաքածուի

    ուսումնասիրության արդյունքում հայ պարբերական մամուլը հարստանում է նոր անուններով կամ բացակա

    համարներով։ Ներկայացնենք այդպիսի մի անուն։

    Ըստ մատենագիտական աղբյուրների՝ 1919-1920 թթ․ Կ․ Պոլսում տպագրվել է «Առաւօտ։

    Նորահասներու պատկերազարդ հանդէս»-ը։ Կիսամսեայ այս հանդեսը լույս է տեսել Գրիգոր Հ․

    Գալուստյանի խմբագրությամբ, Մ․ Սուրյանի ջանքերով։ Հրատարակվել է ընդամենը 17 համար , 4 էջ։

    1920 թ․ կեսից շարունակել է հրատարակվել «Հայ պատանի» անունով։ Նույն մատենագիտական

    աղբյուրները փաստում են, որ սույն հանդեսի 16 համար պահպանվում է Վիեննայի Մխիթարյան

    միաբանությունում։

    Մասնակցություն միջազգային գիտաժողովներին
    Մասնակցություն միջազգային գիտաժողովներին
  • 21 10 2022
  • 2022թ․ հոկտեմբերի 21-ին «Մեծամոր» պատմահնագիտական արգելոց-թանգարանում կայացավ «Հայկական լեռնաշխարհի պատմամշակութային ժառանգությունը» միջազգային գիտաժողովը, որը կազմակերպել էր ՀՀ ԿԳՄՍ նախարարության պատմամշակութային արգելոց-թանգարանների եվ պատմական միջավայրի պահպանության ծառայությունը։ Այն նվիրված էր հայ մշակութային ժառանգության խնդիրների վերհանմանը և հանրայնացմանը։

    Շնորհակալագրեր՝ «Լավագույն գրադարանավար» և «Հավատարիմ ընթերցող» անվանակարգերում
    Շնորհակալագրեր՝ «Լավագույն գրադարանավար» և «Հավատարիմ ընթերցող» անվանակարգերում
  • 11 10 2022
  • Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի 10-ամյակի և Գրադարանավարի օրվա առիթով Մատենադարանի տնօրեն Տեր Արարատ քահանա Պողոսյանը շնորհակալագրով պարգեւատրեց երկարամյա աշխատակից, գլխավոր ֆոնդապահ Աստղիկ Սահակյանին:

    Խորհրդանշական էր այս օրը. մեծազնիվ տիկին Սահակյանը ճիշտ 55 տարի առաջ աշխատանքի է ընդունվել գրադարանային ոլորտում՝ աշխատելով ՀՍՍՀ պետական գրադարանում` որպես կրտսեր գրադարանավար: Կես դարից ավելի նա իր համեստ ու նվիրյալ ներդրումն է բերել սկզբում Հայաստանի ազգային գրադարանում, 2000 թ.-ից Մայր Աթոռ Սուրբ Էջմիածնի «Գարեգին Ա» աստվածաբանական-հայագիտական կենտրոնի գրադարանում, ապա հիմնադրման օրվանից մինչ այժմ «Վաչե և Թամար Մանուկյան» Մատենադարանում:

    Լավագույն մասնագիտական գրադարան
    Լավագույն մասնագիտական գրադարան
  • 07 10 2022
  • ՀՀ ԿԳՄՍ նախարարության կողմից անցկացվող ամենամյա «Լավագույն գրադարան» մրցույթում Մայր Աթոռ Ս․ Էջմիածնի «Վաչե և Թամար Մանուկյան» Մատենադարանը հաղթող է ճանաչվել «Լավագույն մասնագիտական գրադարան» անվանակարգում։

    Շնորհակալագիր
    Շնորհակալագիր
  • 07 10 2022
  • Գրադարանավարի օրվա առթիվ ՀՀ ԿԳՄՍ նախարարության կողմից շնորհակալագրի է արժանացել Մայր Աթոռ Ս․ Էջմիածնի «Վաչե և Թամար Մանուկյան» Մատենադարանի փոխտնօրեն Պապին Մուրադյանը։

     

    Արժեքավոր նվեր
    Արժեքավոր նվեր
  • 07 10 2022
  • 2022 թ. հոկտեմբերի 6-ին Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում տեղի ունեցավ «Սուրբ Էջմիածինը՝ գրքի հանգրվան» խորագրով գիտաժողովը՝ նվիրված Մատենադարանի գործունեության 10-ամյակին: Այն կազմակերպվել էր Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի օրհնությամբ և «Վաչէ եւ Թամար Մանուկեան» բարեգործական միության հովանավորությամբ:

    Գիտաժողովին մասնակցեցին 44 զեկուցողներ, հյուրեր հայաստանյան և արտերկրի տարբեր գիտական, կրթական, մշակութային կառույցներից:

    Հյուրերը դատարկաձեռն չէին եկել: Նրանք Մատենադարանին փոխանցեցին իրենց և իրենց կառույցների վերջին տարիների արժեքավոր հրատարակությունները, որոնք բացակայում էին Մայր Աթոռի Մատենադարանում:

    10-ԱՄՅԱ ԱՐԳԱՍԱԲԵՐ ԳՈՐԾՈՒՆԵՈՒԹՅՈՒՆ
    10-ԱՄՅԱ ԱՐԳԱՍԱԲԵՐ ԳՈՐԾՈՒՆԵՈՒԹՅՈՒՆ
  • 06 10 2022
  • Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում մեկնարկեց «Ս․ Էջմիածինը՝ գրքի հանգրվան» խորագրով գիտաժողովը՝ նվիրված Մատենադարանի գործունեության 10-ամյակին։

    Ամփոփում
    Ամփոփում
  • 06 10 2022
  • «Վաչե և Թամար Մանուկյան» Մատենադարանի 10-ամյակին նվիրված «Ս․ Էջմիածինը՝ գրքի հանգրվան» խորագրով գիտաժողովի աշխատանքներն ամփոփվեցին:

    Արժեքավոր գրականության համալրում
    Արժեքավոր գրականության համալրում
  • 05 10 2022
  • Լոնդոնաբնակ Տ․ Ներսես ավ․ քհն․ Ներսեսյանը Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին է նվիրաբերել աստվածաբանական և հայագիտական արժեքավոր գրականություն։ Նվիրաբերված գրքերը ներկայացնում են աստվածաբանական և հայագիտական բնույթի մենագրություններ և հոդվածներ։ Ուշագրավ են Հին Արևելյան Ուղղափառ եկեղեցիների աստվածաբանական պարբերականների հավաքածուները, որոնք համալրում են Մայր Աթոռի մասնագիտական գրականության շարքը։

    Արժեքավոր համալրումներ
    Արժեքավոր համալրումներ
  • 05 10 2022
  • Կ. Պոլսո Հայոց Պատրիարքարանը՝ ձեռամբ Հովակիմ աբեղա Սերոբյանի, Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին նվիրել է Ռուզան Սալխանեանի «Սրբապատկերներ. լռութիւնդ խօսեցաւ սիրտս» գիրքը: