«Վաչե և Թամար Մանուկյան» Մատենադարանը բացի գրադարանային և գիտական ոլորտներից, ծավալում է նաև թանգարանային գործունեություն: Թանգարանային սրահները առանձնացվել են հաստատված նախագծով և կահավորված են համապատասխան ցուցապահարաններով:
Թանգարանային նմուշը բացառապես գիրքն է: Ցուցասրահները երեքն են՝
ա. «Գիրքը Սուրբ Էջմիածնում»,
բ. «Հայ հնատիպ գիրքը»,
գ. «Թեմատիկ փոփոխվող ցուցադրություն» :
«Գիրքը Սուրբ Էջմիածնում» սրահում նախատեսվում է ցուցադրել 1772 թվականից մինչև մեր օրերը Ս. Էջմիածնում տպագրված նշանակալից հրատարակությունները՝ շուրջ 53 կամ 110 գիրք :
Երկրորդ՝ «Հայ հնատիպ գիրքը» սրահում ուշադրության կենտրոնում կլինեն 1512- 1800/1900 թթ. ընթացքում տպագրված նշանակալից հրատարակությունները:
«Թեմատիկ փոփոխվող ցուցադրություն» -ում տեղ կգտնի որևէ նշանավոր երևույթին կամ անհատին վերաբերող գրականություն: Ինչպես օրինակ, Աստվածաշնչի հայերեն առաջին տպագրության 350 ամյակի առթիվ 2016 թ.- ին կազմակերպվեց առաջին ցուցադրությունը:
Ցուցանմուշների քանակը, կախված ցուցադրության ձևից և չափսերից, կարող է փոխվել :