shape

Լուրեր

«ԱՆԿԱԽՈՒԹՅՈՒՆԻՑ ԴԵՊԻ ԱՆԿԱԽՈՒԹՅՈՒՆ»
«ԱՆԿԱԽՈՒԹՅՈՒՆԻՑ ԴԵՊԻ ԱՆԿԱԽՈՒԹՅՈՒՆ»
  • 14 05 2018
  •  

    Մայիսյան հերոսամարտերի և Հայաստանի Առաջին Հանրապետության հռչակման 100-ամյակի տոնակատարությունների շրջանակում Մայր Աթոռ Ս. Էջմիածնի «Վաչե և Թամար Մանուկյան» Մատենադարանում բացվել է թեմատիկ ցուցադրություն՝ «Անկախությունից դեպի անկախություն» խորագրով:

    Հանրության ուշադրությանն են ներկայացվում 1918-1920 թթ. Ս. Էջմիածնում /Վաղարշապատում/ տպագրված գրքերը եւ նշյալ թվականներին վերաբերող ուսումնասիրություններն ու արխիվային ժողովածուները:

    ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ 100-ԱՄՅԱԿԻՆ ՆՎԻՐՎԱԾ ԳԻՏԱԺՈՂՈՎ
    ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ 100-ԱՄՅԱԿԻՆ ՆՎԻՐՎԱԾ ԳԻՏԱԺՈՂՈՎ
  • 14 05 2018
  •  

    Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանը և ՀՀ սփյուռքի նախարարությունը համատեղ կազմակերպել են գիտաժողով՝ նվիրված Մայիսյան հերոսամարտերի և Հայաստանի Առաջին Հանրապետության 100-ամյակին՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԸ ԵՎ ՀԱՅ ԵԿԵՂԵՑՈՒ ԴԵՐԱԿԱՏԱՐՈՒԹՅՈՒՆԸ ՀԱՅՈՑ ՊԵՏԱԿԱՆՈՒԹՅԱՆ ԿԱՅԱՑՄԱՆ ԳՈՐԾՈՒՄ (1918-2018 ԹԹ.)» խորագրով:

    Գիտաժողովը տեղի կունենա 2018 թ. մայիսի 22-ին՝ ժամը 10:00-ին, Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում:

    Զեկուցումները կհրատարակվեն «Էջմիածին» ամսագրում և առանձին ժողովածուով:

    «Քարոզգիրքը» Բ հատոր. «Արարատ»ի ժառանգութիւնը
    «Քարոզգիրքը» Բ հատոր. «Արարատ»ի ժառանգութիւնը
  • 30 04 2018
  • Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել «Արարատ»ի ժառանգութիւնը» մատենաշարի «Քարոզգրքի» Բ հատորը: Այն նվիրվում է «Արարատ» ամսագրի հրատարակման 150 ամյակին:

    Գիրքը 1868-1919 թթ. Մայր Աթոռի պաշտոնական պարբերական «Արարատ» ամսագրում հրատարակված թարգմանական քարոզների համահավաք ժողովածուն է:

    Աշխատանքային այց Սբ. Էջմիածնի Մատենադարան
    Աշխատանքային այց Սբ. Էջմիածնի Մատենադարան
  • 23 04 2018
  • Հայաստանում ԱՄՆ դեսպանատան տեղեկատվական ռեսուրսների կենտրոնի տնօրեն Ներսես Հայրապետյանն ու ԱՄՆ Միջազգային զարգացման գործակալության աշխատակից Ռասա Քենտն աշխատանքային այց կատարեցին Մայր Աթոռ Սուրբ Էջմիածնի «Վաչե և Թամար Մանուկյան» Մատենադարան։

    ԱՊԱԳԱ ՄԱՆԿԱՎԱՐԺՆԵՐԸ ՄԱՏԵՆԱԴԱՐԱՆՈՒՄ
    ԱՊԱԳԱ ՄԱՆԿԱՎԱՐԺՆԵՐԸ ՄԱՏԵՆԱԴԱՐԱՆՈՒՄ
  • 17 04 2018
  •  

    Այսօր Ս. Էջմիածնի «Վաչե և Թամար Մանուկյան» Մատենադարան այցելեցին Խաչատուր Աբովյանի անվան հայկական պետական մանկավարժական համալսարանի Սկզբնական կրթության ֆակուլտետի Տարրական մանկավարժություն և մեթոդիկա բաժնի ուսանողները՝ բանասիրական գիտությունների թեկնածու, դոցենտ Լիլիթ Տեր-Գրիգորյանի գլխավորությամբ: Հյուրերը շրջեցին Մատենադրանի ցուցասրահներով, ծանոթացան հնատիպ գրքերին, ինչպես նաև ընթերցասրահում առկա գրականությանը:

     Մատենադարանի գրադարանավարն ընթերցանության մարաթոնի մասնակից
    Մատենադարանի գրադարանավարն ընթերցանության մարաթոնի մասնակից
  • 13 04 2018
  •  

    2016 թ.  սկսած Հայաստանում ԱՄՆ դեսպանությունը և Երևանի Ավ. Իսահակյանի անվան քաղաքային կենտրոնական գրադարանի ամերիկյան անկյունն Ազգային գրադարանային շաբաթվա ծրագրի շրջանակում ընթերցանության մարաթոն են կազմակերպում:

    Այս տարի մասնակիցները կարդացին ամերիկացի գրող Մադլեն Լենգլի օրերս հրատարակված «Ժամանակի մի փոքրիկ ծալ» վիպակը:

    Գրքերի նվիրատվություն Կալկաթայի Մարդասիրական ճեմարանին
    Գրքերի նվիրատվություն Կալկաթայի Մարդասիրական ճեմարանին
  • 12 04 2018
  •  

    Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի և Հայաստանի ազգային գրադարանի միջև իրակնացվող գրքափոխանակության ծրագրի շրջանակում Սբ. Էջմիածնի Մատենադարանը գիրք է նվիրաբերել Մայր Աթոռ Սուրբ Էջմիածնի հոգածությամբ գործող Կալկաթայի Հայոց Մարդասիրական ճեմարանին:

    «Ավանդական արժեքներ, արդի մարտահրավերներ». միջազգային համաժողով Մայր Աթոռում
    «Ավանդական արժեքներ, արդի մարտահրավերներ». միջազգային համաժողով Մայր Աթոռում
  • 22 03 2018
  • Մարտի 22-ին Հայաստանյայց Առաքելական Ս. Եկեղեցու և Ռուս Ուղղափառ Եկեղեցու աջակցությամբ Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում տեղի ունեցավ «Ավանդական արժեքներ, արդի մարտահրավերներ» խորագրով մեկօրյա երրորդ միջազգային համաժողովը: Այն կազմակերպվել էր Աթոս լեռան ռուսական սրբավայրերի աջակցման բարեգործական հիմնադրամի կողմից: 
        

    Նոր հրատարակություններ
    Նոր հրատարակություններ
  • 27 02 2018
  • Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել Մայր Աթոռի միաբան, Միջեկեղեցական հարաբերությունների բաժնի պատասխանատու Հոգեշնորհ Տ. Շահե ծայրագույն վարդապետ Անանյանի «Քարոզներ և ակնարկներ» ժողովածուն և Ավագ Հարությունյանի հեղինակած «Մայր Աթոռ Սուրբ Էջմիածնի հասարակական և դիվանագիտական գործունեությունը (1918-1920 թթ.)» աշխատությունը:

    Վազգեն Ա կաթողիկոս. «Քարոզներ և խոսքեր»
    Վազգեն Ա կաթողիկոս. «Քարոզներ և խոսքեր»
  • 19 02 2018
  •     Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել երջանկահիշատակ Վազգեն Ա Պալճյան (1955-1994թթ.) Ամենայն Հայոց Կաթողիկոսի Երկերի ժողովածուի Բ հատորը`«Քարոզներ և խոսքեր» վերնագրով` նվիրված Հայոց 130-րդ Հովվապետի ծննդյան 110-ամյակին:
    Հատորում ներառվել են Վազգեն Ա Կաթողիկոսի` տարբեր եկեղեցական տոների և հիշարժան արարողությունների առիթներով հնչած քարոզները, որոնք քաղվել են ցայսօր Վեհափառ Հայրապետին նվիրված ժողովածուներից և «Էջմիածին» ամսագրից:
    Ժողովածուն հրատարակության է պատրաստվել Հրատարակչական բաժնի տնօրեն Արժանապատիվ Տ. Արարատ քահանա Պողոսյանի ջանքերով: 
    Գիրքը տպագրվել է «Սարգիս Գաբրիելյան» հիմնադրամի մեկենասությամբ:

    Նվիրատվության հիմքում համագործակցություն
    Նվիրատվության հիմքում համագործակցություն
  • 30 01 2018
  •  Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանին ՀՀ սփյուռքի նախարարությունը նվիրեց իր պատվերով լույս ընծայված և սփյուռքահայ գրողների հրատարակած գրքեր, որոնք հիմնականում Սփյուռքի հիմնախնդիրներին, Հայկական սփյուռքի պատմությանը և Հայոց ցեղասպանությանն առնչվող հետազոտություններ են: Նվիրվող գրականության ցանկում ընդգրկված էին նաև 2010-2016 թթ. հրատարակված «Հայկական սփյուռք» տարեգրքերը:

    Նախաձեռնությունն իրականացվել է Մատենադարանի տնօրինության՝ ՀՀ սփյուռքի նախարար Հրանուշ Հակոբյանի հետ տարեսկզբին կայացած հանդիպումից հետո, երբ քննարկման արդյունքում որոշվել է երկու կառույցների միջև  սերտ համագործակցություն սկսել:

    Նվիրատվություն բանակի օրվա կապակցությամբ. «Զորավոր Սրբեր» և «Զինվորյալ հոգևորականներ»
    Նվիրատվություն բանակի օրվա կապակցությամբ. «Զորավոր Սրբեր» և «Զինվորյալ հոգևորականներ»
  • 28 01 2018
  • «Վաչե և Թամար Մանուկյան» մատենադարանի նվիրատվությունների շարքն այս անգամ համալրվեց «Զինվորյալ Հոգեվորականներ» Եվ «Զորավոր Սրբեր» գրքերով: Վերջիններս  նվիրվել են Հայոց բանակի 25 և ՀՀ ԶՈՒ հոգևոր առաջնորդության 20 ամյակին, լույս են տեսել Լուսինե Թումանյանի աշխատասիրությամբ:

    «Զորավոր Սրբեր»-ը բովանդակում է Հայ առաքելական սուրբ եկեղեցու քսանմեկ սրբերի վարքեր, մի մասը զինվորականներ կամ իշխաններ են, մյուսները՝ մեծանուն սրբեր: Գիրքը սկսվում է Միքայել հրեշտակապետի և սուրբ Աստվածամոր վարքերով: