Մայր Աթոռի «Վաչե և Թամար Մանուկյան» Մատենադարանից կարող են օգտվել Մայր Աթոռի բոլոր աշխատակիցները, այլ հաստատությունների, բուհերի գիտաշխատողները, ուսանողները, մագիստրանտները, ոչ ակադեմիական հաստատությունների ասպիրանտները, իսկ 18 տարին չլրացած ցանկացած անձ` միայն տնօրինության թույլտվությամբ:
1. Մատենադարանում գրքերը դուրս չեն տրվում, ընթերցողներն օգտվում են տեղում` համապատասխան ընթերցասրահներում: Մատենադարանում գրքեր դուրս են տրվում միայն`
ա. երեք գիրք` արքեպիսկոպոսներին, եպիսկոպոսներին, Մայր Աթոռի տարբեր բաժիններում պաշտոնավարող ծայրագույն վարդապետներին, վարդապետներին, աբեղաներին, քահանաներին, սարկավագներին, Վանորեից տեսչության վանահայրերին, բանակի հոգևոր սպասավորներին, Գևորգյան հոգևոր ճեմարանի, Վազգենյան հոգևոր դպրանոցի և Հառիճի ընծայարանի ուսանողներին,
բ. մեկական գիրք` Մայր Աթոռի աշխատակիցներին` բաժինների տնօրենների միջնորդագրերով:
2. Մատենադարանի գրականությունը տրամադրվում է բացառապես 3-րդ կետում նշված անձանց` մեկ ամիս ժամկետով: Լրացուցիչ ժամկետի տրամադրում կարող է կատարվել միայն Մատենադարանի տնօրենի արտոնությամբ: Ժամկետը երկարացնելու արտոնությունը տնօրենից ստանալուց հետո ընթերցողը պարտավոր է այդ գրականությունը ներկայացնել Մատենադարանի ընթերցասրահի սպասարկման բաժին` վերահաշվառման:
3. Մատենադարանից դուրս չեն տրվում հանրագիտարանները, բառարանները, տեղեկատուները, հազվագյուտ, թանկարժեք և պատկերազարդ հրատարակությունները, ալբոմները, սեղմագրերը և մինչև 1900 թվականը տպագրված գրքերը, որոնք սպասարկվում են միայն ընթերցասրահներում: 1900-1940 թթ. հրատարակությունները տրվում են միայն այս կանոնակարգի 3-րդ կետում նշված բաժինների աշխատակիցներին` Մատենադարանի տնօրենի արտոնությամբ:
4. Ընթերցասրահներում սպասարկվում են Մատենադարանից օգտվելու իրավունք ունեցող բոլոր ընթերցողները:
5. Մատենադարանի ընթերցողն աշխատանքի վայրը, տան հասցեն, հեռախոսի համարը փոխելու, ինչպես նաև ընթերցողական տոմսը կորցնելու դեպքում պարտավոր է անմիջապես հայտնել Մատենադարանի ընթերցասրահի սպասարկման բաժին:
6. Այն անձանց (ըստ 3-րդ կետի), ում արտոնված է գրքեր տրամադրել պահելու, նշված ժամկետը խախտելու դեպքում ընթերցողի սպասարկումը դադարեցվում է` մինչև վերցված գրքի վերադարձը: Ընդ որում, նա որպես տույժ նաև կարող է ժամանակավորապես (մինչև 1 տարի) կամ առհասարակ զրկվել Ս. Էջմիածնի Մատենադարանի գրականության ֆոնդերից օգտվելու իրավունքից:
7. Մատենադարանի տնօրինության սահմանած ժամկետում վերցված ամբողջ գրականությունը պետք է վերահաշվառվի` վերադարձվելով գրադարան և կամ ստուգման ներկայացվելով:
8. Գրականությունը կորցնելու կամ փչացնելու դեպքում ընթերցողը պարտավոր է գրադարանին վերադարձնել նույն գրքի այլ օրինակ: Եթե դա անհնար է, Մատենադարանի տնօրինության որոշմամբ` փոխարինել կորցրած գիրքը հավասարազոր հրատարակությամբ կամ հատուցել կորած գրականության տասնապատիկ արժեքը:
9. Մատենադարանի ընթերցասրահի պատասխանատուի թուլտվությամբ ընթերցողն ընթերցասրահներից գրականությունը պատճենահանման տանելու իրավունք ունի միայն Մատենադարանի տարածքում:
10. Պատվիրված նյութը, ընթերցողի կողմից 3 օրվա ընթացքում չպահնջվելու դեպքում, վերադարձվում է գրապահոց:
11. Ընթերցասրահներն ունեն առձեռն հավաքածուներ (առձեռն հավաքածուները համալրված են հիմնականում տեղեկատու գրականությամբ` հանրագիտարաններ, բառարաններ, տեղեկատուներ), որոնցից ընթերցողները կարող են ընթերցասրահում օգտվել առանց սահմանափակման:
12. Առձեռն հավաքածուներում բացակայող գրականությունը կարելի է պատվիրել հիմնական ֆոնդից:
13. Մատենադարանի ընթերցողին արգելվում է.
ա. ընթերցողական տոմսը տալ այլ անձանց,
բ. գրականության վրա նշումներ, ընդգծումներ կատարել, ծալել, պատռել էջերը և այլն,
գ. ընթերցասրահներից դուրս բերել գրականությունը` առանց թույլտվության,
դ. ընթերցասրահներում բարձր խոսել և օգտվել բջջային հեռախոսներից,
ե. ծխել Մատենադարանի տարածքում,
զ. անպատշաճ պահվածք Մատենադարանում:
14. Ընթերցողները պարտավոր են ծանոթանալ քարտարաններից օգտվելու, պատվիրաթերթիկ լրացնելու կանոններին:
15. Ընթերցողական տոմսի առկայությունը պարտադիր է և առանց ընթերցողական տոմսի արգելվում է մտնել ընթերցասրահ:
16. Տվյալ կանոնները խախտողները կզրկվեն Մատենադարանից օգտվելու իրավունքից: