Լուրեր
Գիրք նվիրելու օրը սահմանամերձ Բերքաշատի դպրոցում
«Գրքերը լուսավորում են հոգին, վերացնում և ամրապնդում են մարդուն, նրա մեջ արթնացնում լավագույն ձգտումները, սրում նրա միտքը և մեղմացնում սիրտը»:
Թեքերեյ
Աստծո խոսքը քարոզելու և հավատավոր ժողովրդին կրթելու համար գիրք նվիրելու օրը խորհրդանշականից զատ նաև ունի գործնական նշանակություն:
«Վաչե և Թամար Մանուկյան» Մատենադարանի և Հրատարակչական բաժնի տնօրեն Տ. Արարատ քահանա Պողոսյանի նախաձեռնությամբ օրը նշանավորվեց նաև Արմավիրի մարզի սահմանամերձ Բերքաշատ համայնքի դպրոցի համար:
Տեր Հոր ողջունելի նախաձեռնությանը միացավ նաև Ազգային ժողովի «Իմ քայլը» խմբակցության պատգամավոր տիար Նարեկ Մկրտչյանը: Հյուրերին դպրոցում հյուրընկալեց ուսուցչական կազմը՝ տնօրեն տիկին Հասմիկ Շահբազյանի գլխավորությամբ:
Մայր Աթոռ Ս. Էջմիածնի հրատարակչության շուրջ հինգ տասնյակ կրոնագիտական, պատմագիտական, բանասիրական, բարոյախոսական, քարոզչական բովանդակության գրքեր իրենց վերջնական հանգրվանը գտան դպրոցի գրադարանում:
Արժանապատիվ Տեր Հայրը և տիար Նարեկ Մկրտչյանը կարևորեցին օրվա խորհուդը՝ հատկապես ընդգծելով գիրք նվիրելու սովորությունը մատաղ սերնդի մեջ ամրապնդելու, գրքասիրությունը և ընթերցանությունը խթանելու տեսանկյունից: Դպրոցի ուսուցիչների հետ ունեցած մտերմիկ զրույցի ընթացքում հյուրերը առիթ ունեցան ի մոտո ծանոթանալու դպրոցի ձեռքբերումներին, ինչպես նաև կրթական և դպրոցաշինական մի շարք դժվարությունների և խնդիրների մասին:
