Այսօր Մայր Աթոռ Սուրբ Էջմիածնի «Վաչե և Թամար Մանուկյան» Մատենադարան այցելեցին Թեհրանի հայոց թեմի առաջնորդ գերաշնորհ Տեր Սեպուհ արքեպիսկոպոս Սարգսյանը և փոխառաջնորդ Տեր Մակար եպիսկոպոս Աշգարյանը:
Սրբազան հայրերը շրջեցին Սբ. Էջմիածնի Մատենադարանում, տեղեկացան վերջին շրջանի գործունեությանը և նորություններին:
Սեպուհ Սրբազանն իր մակագրությամբ Մատենադարանին նվիրեց Տ. Հովհաննես ավագ քահանա Հաճյանի «Հայոց տաժանքի ճամբաներով» երկհատորյակը: Մակար սրբազանն էլ նվիրեց իր հեղինակած «Յովհաննէս Առաքեալի երեք ընդհանրական նամակները» գիրքը:
Սբ. Էջմիածնի «Վաչե և Թամար Մանուկյան» Մատենադարանի տնօրենությունը շնորհակալություն է հայտնում գերաշնորհ Սրբազան հայրերին՝ Մատենադարանին արված նվիրատվությունների համար: