Ռուս Ուղղափառ Եկեղեցու ամենահին բարձրագույն ուսումնական հաստատությունն է, որը որ հիմնադրվել է 17րդ դարում: Այն զբաղվում է հոգևորականների, դասախոսների, աստվածաբանների և ռուսական ուղղափառ եկեղեցու ծառայողների պատրաստմամբ: Գտնվում է Սերգիև Պոսադ քաղաքում՝ Սուրբ Երրորդություն մայրավանքի ներսում: Նրա պատմությունը գալիս է դեռևս 1687թ. հիմնադրված Սլավոնա-հունա-լատինական ճեմարանից և 1742թ. հիմնադրված Սուրբ Երրորդություն մայրավանքի ճեմարանից:
1812 թվականի մոսկովյան հրդեհից հետո 1814-ին Ակադեմիան Մոսկվայից տեղափոխվել է Սուրբ Երրորդություն-Սերգիուս մայրավանք: Ակադեմիայի մեծ բացումը մայրավանքում տեղի է ունեցել 1814 թ. հոկտեմբերի 1-ին `Սուրբ Աստվածածին եկեղեցու տոնի օրը: Այնուհետև այն անվանափոխվել և հայտնի է դարձել որպես Մոսկվայի հոգևոր ակադեմիա:
Ակադեմիայի գրադարանում պահվում են բազմաթիվ հին ձեռագրեր՝ մեծամասամբ սլավոնական: Ներկայումս գրադարանն ունի մոտ 350 հազար գիրք, որը ՌԴ-ում և ԱՊՀ տարածքում աստվածաբանական և եկեղեցապատմական գրականության ամենախոշոր հավաքածուն է համարվում:
Այստեղ ներկայացված են՝
- մոտ 1300 ձեռագրեր
- մոտ 10000 հնատիպ և մինչև 1826թ. տպագրված գրքեր
- 19-20րդ դարերի հազվագյուտ ռուսական փոքրաքանակ հրատարակություններ
- հոգևոր ակադեմիաների պրոֆեսորների գիտական աստվածաբանական և եկեղեցապատմական աշխատություններ
- 130 օտար լեզուներով գիտական աստվածաբանական գրականության ֆոնդ
- սովետական հալածանքների շրջանի արխիվային փաստաթղթեր և նյութեր